المساعدة
أسئلة شائعة
التسجيل مجاني؟
نعم، التسجيل مجاني للأطباء والعيادات. الفئات المدفوعة (مميز وذهبي) اختيارية وتعطي ظهور أسرع وميزات إضافية.
ليش لازم أرفع هوية النقابة أو تأييد التخرج؟
حتى تثق بيك العيادات ونمنع الحسابات الوهمية. الوثيقة مخفية، محد يشوفها غير إدارة المنصة. بعد المراجعة تاخذ علامة «موثّق ✔».
وثيقتي انرفضت، شسوي؟
يوصلك إشعار بيه السبب. ارفع صورة أوضح من صفحة «التوثيق» بلوحتك.
ليش وظيفتي ما ظهرت؟
كل وظيفة جديدة تراجعها الإدارة قبل النشر حتى نحمي الأطباء من الإعلانات الوهمية. تظهر بعد الموافقة.
شلون أبلّغ عن إعلان وهمي أو مخالف؟
راسلنا من النموذج بهذي الصفحة أو على الرقم، والإدارة تراجع وتوقف المخالف.
شلون أعرض حالاتي؟
من «ملفي» حط رابط مجلد Google Drive، واختار عام أو «بموافقتي». بحالة الموافقة العيادة تطلب وانت توافق أو ترفض.
شنو «اطلب عرض سعر»؟
تكتب المادة اللي تحتاجها، وكل المكاتب المفعّلة اللي توصّل لمحافظتك يوصلها طلبك وترد بأسعارها، وتختار الأرخص.
شلون أسجّل مكتبي أو مختبري بالسوق؟
سجّل حساب «مكتب / مختبر / صيانة»، كمّل صفحتك، والإدارة تتواصل وياك على مكانك ورسومه وتفعّلها.
رابط الدعوة شلون يشتغل؟
كل شخص يسجّل من رابطك ويوثّق حسابه أو ينشر وظيفة، تاخذ 7 أيام مميز مجاناً.
شنو علاقة المنصة ببرنامج Post Big؟
بوست بك جوبز من عائلة Post Big، بس منفصل تماماً. ما يشارك أي بيانات، وما بيه بيانات مرضى.
تواصل معنا
أو اكتب رسالتك هنا وتوصل للإدارة مباشرة: